शेतकऱ्यांची नुकसान भरपाईसाठी मागणी, मदत न मिळाल्यास रास्ता रोकोचा इशारा

शेतकऱ्यांची नुकसान भरपाईसाठी मागणी, मदत न मिळाल्यास रास्ता रोकोचा इशारा

प्रतिनिधी - संतोष माने 

मूर्तिजापूर - कुरुम मंडळातील शेतकऱ्यांनी अतिवृष्टी आणि सततच्या पावसामुळे झालेल्या पिकांच्या नुकसानीसाठी तत्काळ भरपाई मिळावी, अशी मागणी उपविभागीय अधिकाऱ्यांकडे केली आहे. भारतीय किसान संघाचे विदर्भ प्रांत उपाध्यक्ष राहुल पुरुषोत्तम राठी यांच्या नेतृत्वाखाली शेतकऱ्यांनी निवेदन सादर केले.

शेतकऱ्यांचे म्हणणे:

सन 2024-25 च्या खरीप हंगामात ऑगस्ट आणि सप्टेंबर महिन्यांत झालेल्या सततच्या पावसामुळे सोयाबीन, तूर, कपाशी, मूग, उडीद यासह फळबागांचे मोठ्या प्रमाणात नुकसान झाले आहे. यामुळे उत्पादनात मोठी घट होऊन शेतकऱ्यांचे आर्थिक नुकसान झाले.

मागण्या आणि इशारा:

शेतकऱ्यांनी शासनाकडे 8 दिवसांत नुकसान भरपाई देण्याची मागणी केली आहे. जर मदत वेळेत मिळाली नाही, तर राष्ट्रीय महामार्ग क्रमांक N-53 वर रास्ता रोको आंदोलन छेडण्यात येईल, असा इशारा देण्यात आला आहे. या आंदोलनाची संपूर्ण जबाबदारी शासनावर असेल, असेही निवेदनात स्पष्ट करण्यात आले आहे.

https://www.instagram.com/reel/DHbclUHSFtW/?igsh=MnVybGdmY25jaTI1

शासनाची भूमिका:

शेतकऱ्यांच्या मागण्यांची तात्काळ दखल घेतली जाणार का, याकडे आता सर्वांचे लक्ष लागले आहे.

बातम्यांची सुपरफास्ट मेल, फक्त आणि फक्त महाराष्ट्र मेल- मुख्य संपादक प्रा.पी.एस.थोरात मो.9822674487