कृषी महाविद्यालय अकोला येथे जागतिक सायकल दिन

कृषी महाविद्यालय अकोला येथे जागतिक सायकल दिन 

डॉ. पंजाबराव देशमुख कृषी विद्यापीठ अकोला येथील कृषी महाविद्यालय अकोला येथे प्रत्येक विशेष दिन हा आगळ्यावेगळ्या पद्धतीने साजरा करतात. त्यामध्ये शिक्षक आणि विद्यार्थी हे दोन्ही ही आनंदाने आणि आगळ्यावेगळ्या पद्धतीने समाजाला नवीन शिकवण देत असतात. त्याचप्रमाणे आज सुद्धा कृषी महाविद्यालय अकोला येथे जागतिक सायकल दिन हा साजरा करण्यात आला.

दैनंदिन जीवनात सायकलिंगचा वापर लोकप्रिय करण्याच्या उद्देशाने  ३ जून हा दिवस जागतिक सायकल दिवस म्हणून साजरा केल्या जात असतो.सायकल चालविणे केवळ शारिरिक आरोग्यासाठीच चांगले आहे असे नाही तर ते पर्यावरण आणि अर्थव्यवस्थेसाठीही चांगले आहे.यासंबधीची सर्वसामान्य नागरिकांमध्ये जाणिवजागृती व्हावी यासाठी कृषी महाविद्यालय,अकोला येथे सायकल रॅली चे आयोजन करण्यात आले . याप्रसंगी डॉ. एस एस माने (सहयोगी अधिष्ठाता कृ. म. अकोला ) यांनी रॅली ला हिरवी झेंडी दाखवून रॅली ला सुरवात केली. रॅलीमध्ये विद्यार्थ्यानी उस्फुर्त सहभाग नोंदविला. विद्यार्थ्यांनी विविध पोस्टर्स व घोषणा यांच्या माध्यमातून लोकांमध्ये सायकल चालवण्याबद्दल जनजागृती केली.

महाराष्ट्र MAIL मुख्य संपादक प्रा.पी.एस.थोरात मो.9822674487