🚩 एक दिवा शिवराय चरणी 🚩 मराठा महासंघाने केला दीपोत्सव साजरा

🚩 एक दिवा शिवराय चरणी 🚩 मराठा महासंघाने केला दीपोत्सव साजरा

दर वर्षाप्रमाणे यावर्षी सुद्धा दीपावली उत्सवाचे औचित्य साधून अकोट रोडवरील छत्रपती शिवाजी महाराज पार्क मधील छत्रपती शिवाजी महाराजांच्या अश्वारूढ पुतळ्याच्या चरणी व सभोवताली शेकडो दिवे लावून अखिल भारतीय मराठा महासंघाच्या वतीने मोठया उत्साहात दीपोत्सव साजरा करण्यात आला. शिवरायांच्या पुतळ्याला विद्युत रोषणाई करण्यात आली होती. सर्व प्रथम छत्रपती शिवाजी महाराज व माँ जिजाऊ यांच्या प्रतिमेचे अखिल भारतीय मराठा महासंघाचे राष्ट्रीय उपाध्यक्ष विनायकराव पवार, विभागीय अध्यक्ष कृष्णा अंधारे व मराठा सेवा मंडळाचे अध्यक्ष मुरलीधर सटाले यांचे हस्ते पूजन व हारार्पण करण्यात आले. यावेळी अखिल भारतीय मराठा महासंघ,मराठा सेवा मंडळ पदाधिकारी, कार्यकर्ते, शिव प्रेमी व महिला मोठया संख्येने उपस्थित होते. कार्यक्रम यशस्वी करण्यासाठी प्रदीप लुगडे, प्रतीक खराडे आदींनी परिश्रम घेतले.

सचिन पाटील गोमासे

जिल्हाध्यक्ष

अ.भा.मराठा महासंघ सोशल मीडिया

महाराष्ट्र MAIL मुख्य संपादक प्रा.पी.एस.थोरात मो.9822674487